Mwenyekiti wa chama cha Karate Zanzibar Abdalla Hussein Rashid ‘Sensei Dula, amesema bado wanakabaliwa na changamoto kubwa ya mahudhurio ya wanawake katika mazoezi ya mchezo huo kutokana na sababu mbalimbali ikiwemo za kimasomo na wengine kuolewa.
“Tunaweza kusema kuwa ushiriki wao ni mzuri, lakini, changamoto kubwa kutokana na sababu mbali mbali ikiwemo za kimasomo na wengine kuolewa baada ya kufikia umri wa kuolewa” alisema.
Sensei Dula amesema upo muamko kwa baadhi ya wanawake kushiriki mchezo wa Karate ingawa hali hiyo inafanya idadi ya wanawake wanaojiunga na mchezo huo kuwa ndogo.
Sambamba na hilo, aliwataka wanawake kuamka na kufanya mazoezi kwa vile mazoezi pia ni afya ambayo yanasaidia kujikinga na maradhi mbalimbali.
