“Tunahitaji ushindi kuliko kitu chochote”Cannavaro

Unknown February 21, 2018 MICHEZO,

HABARI KUU

Nahodha wa Yanga Nadir Haroub ‘Cannavaro’ amesema hakuna kingine ambacho wanahitaji zaidi ya ushindi kwenye mchezo wao Caf Champions League ikiwa ni mechi ya marudiano ugenini dhidi ya St. Louis ya Seychelles.

“Tunajua mchezo utakuwa mgumu sana, tumejipanga vizuri na yeyote atakaepata nafasi atacheza kwa asilimia 100 ili kuisaidia timu kwa sababu mchezo wa leo tunahitaji kupata matokeo mazuri”-Cannavaro
“Tunajua kwamba tunacheza na timu nzuri lakini kwa upande wetu hakuna kitu kingine tunachohitaji zaidi ya ushindi kwa sababu huku tumekuja kuwakilisha nchi.”

“Tunaongoza kwa goli 1-0, sio dogo lakini tunahitaji kulilinda ili tusiruhusu goli.”
Yanga ilishinda goli 1-0 kwenye mchezo wa kwanza uliochezwa uwanja wa Taifa, Dar es Salaam.

GUMZO LA MITANDAONI

Sully visits Bush coffin at US Capitol — Image captionSully akiwa katika chumba ulimokuwa mwili wa marehemu George HW Bush katika makao makuu ya Bunge la Marekani

Mbwa aliyekuwa amepewa kazi ya kuwa msaidizi wa rais wa zamani wa Marekani George HW Bush amepigwa picha akionekana kuomboleza karibu na jeneza la kiongozi huyo.

Bw Bush, aliyehudumu kama rais wa 41 wa Marekani kati ya mwaka 1989 na 1993 alifariki dunia Ijumaa usiku akiwa na miaka 94.

Sully, mbwa wa jamii ya golden labrador, alisafiri pamoja na mwili wa marehemu kwenye ndege kutoka Texas kwenda Washington DC siku ya Jumatatu.

Jeneza lenye mwili wake lilisafirishwa kwa ndege kutoka Texas kwenda DC kwa ndege ya Air Force One - ambayo kwa muda ilipewa jina Special Air Mission 41, kwa heshima ya rais huyo.

Mwili huo ulirejeshwa Texas Jumatano.