NJOMBE MJI YAIFUNGASHIA VIRAGO MBAO FC KOMBE LA SHIRIKISHO

Unknown February 21, 2018 MICHEZO,

Na George Mganga

Klabu ya Mbao FC imeondolewa rasmi katika mashindano ya Kombe la Shirikisho (FA Cup), baada ya kufungwa jumla ya matuta 6-5.

Katika mchezo huo uliokuwa wa hatua ya 16 bora, dakika 90 zilimalizika kwa matokeo ya bao 1-1, huku Njombe Mji wakianza kucheka na nyavu katika dakika ya 39 kipindi cha kwanza kupitia Ditram Nchimbi.

Mechi hiyo iliyopigwa katika Uwanja wa Sabasaba jioni ya leo, ilidumu kwa dakika 45 za kwanza huku matokeo yakiwa ni 1-0, Njombe Mji wakiwa wanaongoza.

Said Said aliweza kuisawazishia Mbao FC katika dakika ya 79 na kuufanya mchezo umalizike matokeo yakiwa ni 1-1.

Hatua ya penati ilifuatia na Mbao FC ikaweza kuondolewa.

Ikumbukwe Mbao ndiyo walikuwa mabingwa namba 2 baada ya kufungwa na Simba katika fainali iliyochezwa mjini Dodoma mwaka jana.

HABARI KUU

GUMZO LA MITANDAONI

Sully visits Bush coffin at US Capitol — Image captionSully akiwa katika chumba ulimokuwa mwili wa marehemu George HW Bush katika makao makuu ya Bunge la Marekani

Mbwa aliyekuwa amepewa kazi ya kuwa msaidizi wa rais wa zamani wa Marekani George HW Bush amepigwa picha akionekana kuomboleza karibu na jeneza la kiongozi huyo.

Bw Bush, aliyehudumu kama rais wa 41 wa Marekani kati ya mwaka 1989 na 1993 alifariki dunia Ijumaa usiku akiwa na miaka 94.

Sully, mbwa wa jamii ya golden labrador, alisafiri pamoja na mwili wa marehemu kwenye ndege kutoka Texas kwenda Washington DC siku ya Jumatatu.

Jeneza lenye mwili wake lilisafirishwa kwa ndege kutoka Texas kwenda DC kwa ndege ya Air Force One - ambayo kwa muda ilipewa jina Special Air Mission 41, kwa heshima ya rais huyo.

Mwili huo ulirejeshwa Texas Jumatano.