Manula uhakika golini kuwazuia Gendarmerie

Unknown February 20, 2018 MICHEZO,

HABARI KUU

Kocha msaidizi wa Simba Masoud Djuma amethibitisha kwamba golikipa namba moja wa klabu hiyo Aishi Manula atacheza mchezo wa marudiano wa Caf Confederation Cup dhidi ya Gendarmerie ya Djibouti.

Jana jioni zilienea picha kwenye mitandao ya kijamii zikimuonesha Manula akiwa amefungwa bandage mkononi baada ya kuumia mkono wa kushoto na ikaelezwa huenda akaukosa mchezo wa leo kutokana na maumivu hayo. Masoud amesema John Bocco peke yake ndiyo hayuko fit kwa ajili ya mchezo huo kutokana na majeraha aliyopata kwenye mchezo wa VPL dhidi ya Mwadui.

“Aishi yuko vizuri watanzania wote wajue, kweli jana alipata tatizo mazoeni lakini yuko vizuri na atacheza mechi, wapenzi wa Simba waache wasiwasi wazidi kutuombea tufanye vizuri.”

“Wachezaji wote wako tayari isipokuwa nahodha John Bocco ndiyo atakosekana lakini wengine wote watakuwepo kwa ajili ya kupambana kwa ajili ya mechi ya leo. Tunajua sio kazi rahisi lakini tutapambana kama kawaida yetu mwanzo wa mechi hadi mwisho tuhakikishe Simba inasonga mbele.”

GUMZO LA MITANDAONI

Sully visits Bush coffin at US Capitol — Image captionSully akiwa katika chumba ulimokuwa mwili wa marehemu George HW Bush katika makao makuu ya Bunge la Marekani

Mbwa aliyekuwa amepewa kazi ya kuwa msaidizi wa rais wa zamani wa Marekani George HW Bush amepigwa picha akionekana kuomboleza karibu na jeneza la kiongozi huyo.

Bw Bush, aliyehudumu kama rais wa 41 wa Marekani kati ya mwaka 1989 na 1993 alifariki dunia Ijumaa usiku akiwa na miaka 94.

Sully, mbwa wa jamii ya golden labrador, alisafiri pamoja na mwili wa marehemu kwenye ndege kutoka Texas kwenda Washington DC siku ya Jumatatu.

Jeneza lenye mwili wake lilisafirishwa kwa ndege kutoka Texas kwenda DC kwa ndege ya Air Force One - ambayo kwa muda ilipewa jina Special Air Mission 41, kwa heshima ya rais huyo.

Mwili huo ulirejeshwa Texas Jumatano.