Shabiki maarufu wa Simba nchini, Said Khamis maarufu kama Mzee Muchacho amesema anajihisi kama amechanganyikiwa.
Mzee Muchacho anasema anajiona kama amechanganyikiwa kwa furaha aliyoipata baada ya Simba kuitwanga Mbabane Swallows kwa idadi ya mabao 8-1.
Simba imeshinda kwa mabao 4-0 ikiwa ugenini eSwatini ikiwa ni baada ya ule ushindi wa mabao 4-1 jijini Dar es Salaam.
"Nasikia kuchanganyikiwa, hii furaha ya leo haina mfano. This is Simba, waambie hii ndio Simba ya kimataifa.
"Simba inajua nini maana ya michuano ya kimataifa, yaani leo ni furaha ile mbayaa," alisema akionekana ni mwenye furaha sana.
Mzee Muchacho ni kati ya waanzilishi wa kikundi maarufu cha ushangiliaji cha Simba cha Kidede na yeye ndiye amekuwa mpiga tarumbeta lenye sauti maarufu katika soka ya "Po, po, po, popoooo Eeehhh Kidedea".
