Wananchi waombwa kutoa taarifa wakiuziwa bidhaa kinyume na bei hizi

Unknown May 23, 2018 HABARI,

HABARI KUU

Serikali ya Mapinduzi Zanzibar kwa kushirikiana na Wizara ya Biashara Viwanda na Masoko imewataka wananchi wa Zanzibar kutoa taarifa pindi watakapouziwa bidhaa zinazotumika kwa ajili ya futari katika mwezi huu mtukufu wa ramadhani kwa bei ya juu mbali na ile iliyotolewa na serikali kwani tayari imetoa bei elekezi kwa wafanyabiashara.

Naibu Waziri wa Wizara hiyo Hassan Khamis Hafidhi amesema lazima wafanyabiashara watekeleze agizo la serikali la kushusha bei ya bidhaa ikiwemo Mchele, Sukari, Unga wa ngano na Tende kwani tayari serikali imewaondoshea kodi kwa bidhaa hizo wanapoingiza nchini.

Bei elekezi zilizopangwa na Serikali kwa bidha hizo ni:

Sukari Kilo isizidi Tsh. 1700/= kwa Zanzibar, na Tsh.1800/= kwa Pemba
Unga wa ngano kilo usizidi Tsh.1100/=
Tende kilo Tsh.3000/= na
Mchele kilo Tsh.1250/=

Hafidh amesema endapo wafanyabiashara hao watakaidi agizo hilo na tayari serikali imetoa bei elekezi hatua za kisheria zitachukulia dhidi yao kwani wanawapa usumbufu wananchi ambao wanahitaji bidhaa hizo.

Aidha amewataka wananchi kutoa taarifa mda wowote watakapoona mabadiliko yoyote katika bei za bidhaa ili kuweza kuchukuliwa hatua hao wanaokaidi amri ya serikali.

Naibu waziri huyo pia ametoa wito kwa Wakuu wa Mikoa na Wilaya Zanzibar pamoja na Masheha kushirikiana na wananchi katika kuwabainisha hao wafanyabiashara wanaopandisha bei katika mwezi huu mtukufu.

Hata hivyo amewaomba wafanyabiashara wa mazao na wao kupunguza bei bidhaa zao katika mwezi huu ili wananchi nao waweze kumudu gharama za bidhaa hizo hususani Muhogo,Ndizi,Nazi,Majimbi,Viazi na bidhaa nyengine muhimu.

Amina Omar

GUMZO LA MITANDAONI

Sully visits Bush coffin at US Capitol — Image captionSully akiwa katika chumba ulimokuwa mwili wa marehemu George HW Bush katika makao makuu ya Bunge la Marekani

Mbwa aliyekuwa amepewa kazi ya kuwa msaidizi wa rais wa zamani wa Marekani George HW Bush amepigwa picha akionekana kuomboleza karibu na jeneza la kiongozi huyo.

Bw Bush, aliyehudumu kama rais wa 41 wa Marekani kati ya mwaka 1989 na 1993 alifariki dunia Ijumaa usiku akiwa na miaka 94.

Sully, mbwa wa jamii ya golden labrador, alisafiri pamoja na mwili wa marehemu kwenye ndege kutoka Texas kwenda Washington DC siku ya Jumatatu.

Jeneza lenye mwili wake lilisafirishwa kwa ndege kutoka Texas kwenda DC kwa ndege ya Air Force One - ambayo kwa muda ilipewa jina Special Air Mission 41, kwa heshima ya rais huyo.

Mwili huo ulirejeshwa Texas Jumatano.