Ligi ya Mabingwa barani Afrika: Simba na Gor Mahia zaanza vizuri

Unknown November 29, 2018 MICHEZO,

Klabu ya Simba ya Dar es salaama Tanzania imeanza vyema michuano ya ligi ya mabingwa Afrika baada ya kuirarua Mbabane Swallows ya Eswatini zamani Swaziland magoli 4-1 katika mchezo wa raundi ya awali ya ligi hiyo uliochezwa jana uwanja wa taifa jijini Dar es salaam. Ushindi huo unamaanisha Simba SC imerahisisha kazi kuelekea mchezo wa marudiano Desemba 4 nchini Swaziland, kwani wenyejii watatakiwa kushinda 3-0 ili kusonga mbele. Timu nyingine iliyokuwa ikipeperusha bendera ya Afrika Mashariki na Kenya katika michuano hiyo ni Gor Mahia ilipoifunga kwa taabu Nyasa Big Bullets kutoka Malawi kwa goli 1-0 kwenye uwanja wa Moi Kasarani jijini Nairobi.

GUMZO LA MITANDAONI

Sully visits Bush coffin at US Capitol — Image captionSully akiwa katika chumba ulimokuwa mwili wa marehemu George HW Bush katika makao makuu ya Bunge la Marekani

Mbwa aliyekuwa amepewa kazi ya kuwa msaidizi wa rais wa zamani wa Marekani George HW Bush amepigwa picha akionekana kuomboleza karibu na jeneza la kiongozi huyo.

Bw Bush, aliyehudumu kama rais wa 41 wa Marekani kati ya mwaka 1989 na 1993 alifariki dunia Ijumaa usiku akiwa na miaka 94.

Sully, mbwa wa jamii ya golden labrador, alisafiri pamoja na mwili wa marehemu kwenye ndege kutoka Texas kwenda Washington DC siku ya Jumatatu.

Jeneza lenye mwili wake lilisafirishwa kwa ndege kutoka Texas kwenda DC kwa ndege ya Air Force One - ambayo kwa muda ilipewa jina Special Air Mission 41, kwa heshima ya rais huyo.

Mwili huo ulirejeshwa Texas Jumatano.