AZAM FC WATUMA UJUMBE MZITO LIGI KUU

Unknown November 30, 2018 MICHEZO,

Uongozi wa Azam FC, umesema kuwa wameongeza nguvu kubwa Ligi Kuu kutokana na ushindani uliopo ili waendelee kuweza kulinda rekodi ambayo wameanza nayo msimu huu.

Meneja wa Azam FC, Philip Alando amesema kuwa mipango imekaa sawa na nguvu kubwa kwa sasa ni kwenye mchezo wao wa ligi kuu unaofuata dhidi ya Stand United.

"Ushindani ni mkubwa jambo ambalo linazidi kutupa nguvu na kutufanya tufikirie kupata matokeo mazuri zaidi, kwa sasa timu ipo kwenye maandalizi ya mchezo wetu dhidi ya Stand United, tunawaheshimu wapinzani wetu hivyo tumejipanga kufanya vizuri," alisema.

Azam FC wanashika nafasi ya pili kwenye msimamo wamecheza michezo 13 bila kupoteza wameshinda michezo 10 na kutoa sare 3 wana pointi 33 tofauti ya pointi 2 na Yanga ambao ni vinara wa Ligi kwa sasa wakifuatiwa na Simba.

GUMZO LA MITANDAONI

Sully visits Bush coffin at US Capitol — Image captionSully akiwa katika chumba ulimokuwa mwili wa marehemu George HW Bush katika makao makuu ya Bunge la Marekani

Mbwa aliyekuwa amepewa kazi ya kuwa msaidizi wa rais wa zamani wa Marekani George HW Bush amepigwa picha akionekana kuomboleza karibu na jeneza la kiongozi huyo.

Bw Bush, aliyehudumu kama rais wa 41 wa Marekani kati ya mwaka 1989 na 1993 alifariki dunia Ijumaa usiku akiwa na miaka 94.

Sully, mbwa wa jamii ya golden labrador, alisafiri pamoja na mwili wa marehemu kwenye ndege kutoka Texas kwenda Washington DC siku ya Jumatatu.

Jeneza lenye mwili wake lilisafirishwa kwa ndege kutoka Texas kwenda DC kwa ndege ya Air Force One - ambayo kwa muda ilipewa jina Special Air Mission 41, kwa heshima ya rais huyo.

Mwili huo ulirejeshwa Texas Jumatano.