Imeandikwa na Abdi Suleiman , Pemba
TIMU ya Maji Makali kutoka Micheweni, hatimae yamegeuka maji maji Matamu baada ya kujikutwa wanatundikwa bao 7-2 na watoto Yussuf Hamza kutoka kengeja timu ya New Fighter.
Hali hiyo imetokana na maji makali kuangushiwa kipigo kitakatifu, katika ligi hatua ya nne bora daraja la pili Taifa mchezo uliopigwa katika uwanja wa michezo Gombani.
Mchezo huo uliohudhuriwa na mashabiki wengi wa soka katika uwanja wa michezo Gombani, huku Mvua kubwa ikiendelea kunyesha lakini haikuwa sababu kuzuwia mchezo huo kutokuchezwa uwanjani hapo.
Timu hizo zilikianza kipindi cha kwanza kwa kasi kubwa, huku zikionyesha kandanada safi na lakuvutia uwanjani hapo, mithili ya mchezo wa Mwenge na Jamhuri.
Maji Makali ilikuwa ya kwanza kuzifumania nyavu za wapinzani wao dakika ya pili ya mchezo kupitia kwa Yunuss Mbwana, huku Abdalla Ali akiisawazishia New Fghter bao hilo dakika ya sita ya mchezo, huku Ali Abdalla akiipatia timu yake bao la pili dakika ya 19, dakika moja baadae Shaban A,li kaisawazishia Maji Makali bao la pili dakika ya 20 na kuzipeleka timu hizo mapumziko.
Kipindi cha pili kilianza kwa kasi kubwa huku kila timu ikifanya mabadiliko ya wachezaji wao, mabadiliko hayo yaliweza kuwafanya New Fighter kuanza kuwafungulia kitabu cha soka.
Kitabua alianza kufungua Mussa Haji dakika ya 48 kuandika bao la tatau, bao la nne likafungwa na Nassor Omar dakika ya 55, bao la tano likafungwa na Abdalla Ali dakika ya 63 kwa mara ya tatu, bao la sita likafungwa tena na Abdalla Khelef dakika ya 70 huku Salum Ali akihitimisha bao la saba dakika ya 72.
.jpg)
